روژه🌙🌺 دڅو ورځو میلمنه ده رانه ځی
د رحمت ډکه روژه ده رانه ځی
بیا به نۀ وي رحمتونه بخششونه
د نجات ېوه زریعه ده رانه ځې
په ماښام راغلي ده ما ښام کی درومي
چی په څه باندی خفه ده رانه ځی
هم رحمت دے هم بخشش دے هم نجات دے
ځان له ځان له عشرہ دہ رانه ځې
نورو میاشتو کی روژه داسي ښکاریږي
لکه دار چی پختنه ده رانه ځی
یو د زغم یو د اېثار سبق پکښ دے
څومرہ ښکلی مدرسه دہ رانه ځې
د ریا د عبادت نه بې خطرہ
داسی پټه صدقه دہ رانه ځی
همدردی دہ عاجزی دہ مساوات دے
د احساس ھرہ لمحه دہ رانه ځې
د الله او د رسول ص په محبت کی
دا د دوه زړونو قصہ دہ رانه ځی
د روژی آجر په خپله زۀ ورکومه
دغه خدائ کړی وعدہ دہ رانه ځې
د روژی نه دی بغیر بښنه نشته
دا زمونږه عقیده ده رانه ځی
معلومیګې زمونږ مینه کښ کمے دے خپه نیولی په ګیله دہ رانه ځی
روښاني په خوشبویانو معطر شه
د ګلونو ګلدسته ده رانه ځې
0 Comments