Humza baba kalam

 ته هم بې بها یې آو زه هم که بها وغواړم

څرنګه کېدئ شي چې بې ښکلیه له تا وغواړم

خېر دې مه شرمېږه که پرون مې کور ته رانغلې

راشه نن به بیا درنه وعده د سبا وغواړم

خدایه اوکړې هغه چې مې څه د اشنا خواښه وي

مه کوه هغه که زه دعا په خطا وغواړم

ووې یؤ حکیم راته د جوند په راز به پوهه شم

زه که په اخلاص چرې له خدایه قضا وغواړم

ستا په ثناء ګله چې ګویا لکه بلبل شومه

ته چې داسې چپ یې زه له چا به نوا وغواړم

ګونجې په تندي دې ولې راشي حضرهٓ ووایه

زه هم یو انسان یم که اوبه د بقا وغواړم

هسې خو مې سوال په پښتنه ژبه راتلئ نه شي

بویه د خالق نه چې ضمیر  دګدا وغواړم

خدائ ته مې سوال وکړو رایې نه کړې نو معلومه شوه

دا به یې منشا وي چې د تا ځینې تا وغواړم

سورې د شملې د بینوا چه په ما شوې دې 

 سورې به بیا څنګه  زه حمزه د هما وغواړم

حمزه بابا