مات مې کړو بس نور ټوپک
نۀ ساتم په کور ټوپک
وينې تويوي خدايه!
وسوزه په اور ټوپک
مړ يمه په سپين کتاب
بدې مې شي تور ټوپک
ستانه خو رقيبه! زۀ
اخلمه په زور ټوپک
وايئ په بچو سبق
مه ورکوئ لور, ټوپک
څوک سېلانه! وژنمه
وړم د چا په لور ټوپک
#سېلان_افريدې
راسئ ټوپک تس کړو د رباب تارونه و چيړو
ځان په دليل پو کړو د کتاب حرفونه و چيړو
راسئ د نفرت له کلي لري پر سهارا ولاړ شو
راسئ د سرکو شونډو شراب جامونه و چيړو
نوره تنده نۀ وړو د ويصال باران د و وري
راسئ په مستۍ سور د درياب موجونه و چيړو
راسئ چي د وخت جابر و غاړه ته لاس واچو
راسئ په هوا مست د عقاب وځرونه و چيړو
راسئ کور پر کور جرګه جرګه د امن ژغ وکړو
راسئ وطنوالو انقلاب سازونه و چيړو
ستړی شوم سمسور څوک مي فرياد او چیغي نۀ اوري
راسئ د شکرو د شباب خوندونه و چيړو
علاوالدين سمسور
0 Comments