دا لاندې چاربېته ما د ټېکه دار عبدالواحد بابا د دې چاربېتې [ؤګوره دبدب زما] په زمکه لیکلې ده خو په مذهبي رنګ کښې ده اؤ زما کتاب کښې چاپ ده...
سریزه....
ؤګوره مذهب زما
لوے شان دے د رب زما
پنج پکښې مونځونه پنج بِنا څهٔ مزېدارې دي
ښکلې ددین لارې دي
شپږ دي کلیمې پکښې
حج ذکات روژې پکښې
شل دي تراوې پکښې
ښکلی طالبان ذده کړه ددین کړي په مکتب زما
ؤګوره مذهب زما
تېر چې امّتونه دي
شوې پرې بحثونه دي
تېر پرې عزابونه دي
دېرشو سیپارو کښې بیان شوې د دوي چارې دي
ښکلې ددین لارې دي
دې د حق بیان پکښې
حَمَد د سبحان پکښې
فضل د رحمان پکښې
مونږه ته ئې کړي ډېر وعظونه په ادب زما
ؤګوره مزهب زما
حق دې د یتیم پکښې
شته عقلِ سلیم پکښې
بحث د کلیم پکښې
څوک چې بد عمل کوي
غوپې ورله تیارې دي
ښکلې د دین لارې دي
شته د هر ګناه سزا
ستا سزا زما سزا
ستا اجر زما جزا
دا جزا سزا به شي ملاؤ په څهٔ سبب زما
ؤګوره مزهب زما
حق د ښځو شته پکښې
حق د سړو شته پکښې
حق د وړو شته پکښې
فرض پرې زکات دے
کومې ښځې چې مالدارې دي
ښکلې د دین لارې دي
شته دوزخ جنت پکښې
یوخداۓ عبادت پکښې
دې د قام خدمت پکښې
رب وائي ځان ؤساته انسانه د غضب زما
ؤګوره مزهب زما
شته د رشوت خور سزا
شته دې د سود خور
سزا
شته د چغل خور سزا
خوري به پرې داغونه افغانۍ دي کهٔ کالدارې دي
ښکلې د دین لارې دي
څوک چې نېک عمل کؤي
سمه لاره تلل کؤي
رب ته زاري تل کؤی
دوي سره وعدې د
جنّتونو دي د رب زما
ؤګوره مزهب زما
منع دے غېبت پکښې
ښهٔ دے صداقت پکښې
شِرَک لوے ذلت پکښې
شته ورکښې هاتفه چې حلالې یا مردارې دي
ښکلې ددین لارې دي
حمید هاتف
0 Comments