په لپو کې وږمې به د بهار کلي ته وړمه
دا وینې وينې زړه مې په لمن کې ټولومه
دا سوی سوی زړه مې د خپل يار کلي ته وړمه
غمونو ليونی کړمه دردونو لېونی کړم
ريښې ريښې ګرېوان به تار په تار کلي ته وړمه
ټوپک به ماتوم دغه مرمۍ ېې سوځومه
ملګرو دې اختر ته به ستار کلي ته وړمه
سپرلي به راولمه دې زخمي زخمي هېواد ته
پګړۍ کې به ګلان کتار کتار کلي ته وړمه
تر څو به زه د جنګ په سرو اورونو کې سوځېږم
تر څو به دا زړګی پرهار پرهار کلي ته وړمه
نصرته شنې دېرې او چنارونه مې خوښېږي
نصرته ښکلاګانې به د ښار کلي ته وړمه
0 Comments